ಚಿಕ್ಕಬಳ್ಳಾಪುರ ಜಿಲ್ಲೆ ಚೆಂದ - ಕವನ

ಕನ್ನಡ ನಾಡು ಚೆಂದ

ಕನ್ನಡ ನುಡಿಯು ಚೆಂದ

ಕನ್ನಡ ನಾಡಲ್ಲಿ

ನಮ್ಮ ಚಿಕ್ಕಬಳ್ಳಾಪುರ ಜಿಲ್ಲೆ ಚೆಂದ ||ಪ||

ಚೆಂಡೂ ಮಲ್ಲಿಗೆ ನೋಡ

ಚಿಂತಾಮಣಿಯ ನೋಡ

ಚಿಂತಾಮಣಿಯಲ್ಲಿ ಶ್ರೀಕ್ಷೇತ್ರ ಕೈವಾರ

ನೀ ಒಮ್ಮ ಬಂದುನೋಡ

ಶೀಗೆ ಹೂವನೋಡ

ಶಿಡ್ಲಘಟ್ಟದ ನೋಡ

ಶಿಡ್ಲಘಟ್ಟದಲ್ಲಿ ರೇಷ್ಮೆ ಕೈಗಾರಿಕೆ

ನೀ ಒಮ್ಮೆ ಒಂದು ನೋಡ

ಚಕ್ಕೋತ ಹೂವ ನೋಡ

ಚಿಕ್ಕಬಳ್ಳಾಪುರ ನೋಡ

ಚಿಕ್ಕಬಳ್ಳಾಪುರದ ನಂದಿ ಬೆಟ್ಟಕ್ಕೆ

ನೀ ಒಮ್ಮೆ ಬಂದು ನೋಡ

ಗುಲಾಬಿ ಹೂವ ನೋಡ

ಗುಡಿಬಂಡೆಯ ನೋಡ

ಗುಡಿಬಂಡೆಯಲ್ಲಿನ ಅಮಾನಿಸಾಗರ

ನೀ ಒಮ್ಮೆ ಬಂದು ನೋಡ

ಗೌರಿಯ ಹೂವ ನೋಡ

ಗೌರಿಬಿದನೂರು ನೋಡ

ಗೌರಿಬಿದನೂರಿನ ವಿದುರಾಶ್ವತ್ಥಕಟ್ಟೆ

ನೀ ಒಮ್ಮೆ ಬಂದು ನೋಡ

ಬಾಳೆಯ ಹೂವ ನೋಡ

ಬಾಗೇಪಲ್ಲಿಯ ನೋಡ

ಬಾಗೇಪಲ್ಲಿಯಲ್ಲಿ ಗುಮ್ಮನಾಯಕನ ಕೋಟೆ

ನೀ ಒಮ್ಮೆ ಬಂದು ನೋಡ