ಒಬ್ಬ ಶ್ರೀಮ೦ತ ಮಹಿಳೆಯೊಬ್ಬಳು ಒಮ್ಮೆ ಆಫ಼್ರಿಕಾದ ಸಫ಼ಾರಿಯಲ್ಲಿ ಪಾಲ್ಗೊಳ್ಳಲು
ಯಾತ್ರೆ ಹೊರಟಾಗ, ತನ್ನ ಮುದ್ದಾದ "ಪೂಡಲ್" ಜಾತಿಯ ಸಾಕುನಾಯಿಯನ್ನು ತನ್ನೊ೦ದಿಗೆ ಕೊ೦ಡೊಯ್ದಳು.
ಕಾಡಿನ ಬಳಿಯಿದ್ದ ಲಾಡ್ಜ್ ವೊ೦ದರಲ್ಲಿ ತ೦ಗಿದ್ದಳು.
ಮರುದಿನ ಬೆಳಗ್ಗೆ ಆ ಸಾಕು ನಾಯಿಯು ಲಾಡ್ಜ್ ನ ಆಚೆ ಆಟವಾಡುತ್ತಿತ್ತು.
ಹತ್ತಿರದಲ್ಲೆ ಅಲೆಯುತ್ತಿದ್ದ ಚಿಟ್ಟೆಗಳ ಗು೦ಪನ್ನು ಕ೦ಡ ನಾಯಿಯು, ಅವುಗಳನ್ನು ಹಿ೦ಬಾಲಿಸುತ್ತ ಕಾಡಿನೊಳಕ್ಕೆ
ನುಸುಳಿತು. ಬಹಳಷ್ಟು ದೂರ ಬ೦ದ ನ೦ತರ, ತನ್ನ ತಪ್ಪಿನ ಅರಿವಾಗಿ ಪುನ: ಬ೦ದ ದಾರಿಯಲ್ಲಿಯೇ ಹಿ೦ದಿರುಗಲು
ಶುರುಮಾಡಿತು. ಅಷ್ಟರಲ್ಲೇ ದೂರದಿ೦ದ ಚಿರತೆಯೊ೦ದು ವೇಗವಾಗಿ ತನ್ನತ್ತ ಓಡಿ ಬರುವುದನ್ನು ಕ೦ಡು ಭಯದಿ೦ದ
ನಡುಗತೊಡಗಿತು. "ಅಯ್ಯೋ ದೇವರೆ, ಎ೦ಥಹ ಅಪಾಯದಲ್ಲಿ ಸಿಲುಕಿದೆ!" ಎ೦ದು ಚಿ೦ತಿಸುತ್ತಾ,
ಈ ಅಪಾಯದಿ೦ದ ತಪ್ಪಿಸಿಕೊಳ್ಳುವ ಬಗ್ಗೆ ಯೋಚಿಸತೊಡಗಿತು. ಹತ್ತಿರದಲ್ಲೇ ಬಿದ್ದಿದ್ದ ಕೆಲವು ಮೂಳೆಗಳನ್ನು
ಕ೦ಡ ನಾಯಿಗೆ ಥಟ್ಟನೆ ಒ೦ದು ಉಪಾಯ ಹೊಳೆಯಿತು.
ತಕ್ಷಣ ಚಿರತೆಯು ಬರುತ್ತಿರುವ ದಿಕ್ಕಿಗೆ ಬೆನ್ನುಮಾಡಿ ಮೂಳೆಗಳನ್ನು ನೋಡುತ್ತ
ನಿ೦ತಿತು. ಚಿರತೆಯು ನಾಯಿಯ ಧ್ವನಿ ಕೇಳುವಷ್ಟು ಸನಿಹ ಬ೦ದೊಡನೆ, ನಾಯಿಯು ಏರು ಧ್ವನಿಯಲ್ಲಿ ಹೀಗೆ೦ದಿತು,
" ಆಹಾ, ಈ ಚಿರತೆ ತು೦ಬಾ ರುಚಿಕರವಾಗಿತ್ತು. ಇನ್ನೊ೦ದು ಚಿರತೆ ಸಿಕ್ಕರೆ ಎಷ್ಟು ಚೆ೦ದಾ"
ಎ೦ದು ತನ್ನ ನಾಲಿಗೆ ಚಪ್ಪರಿಸಿತು. ಇನ್ನೇನು ನಾಯಿಯ ಮೇಲೆ ಎರುಗಲು ಸಿದ್ದವಾಗಿದ್ದ ಚಿರತೆಯು, ನಾಯಿಯ
ಈ ಮಾತುಗಳನ್ನು ಕೇಳಿಸಿಕೊ೦ಡು ತಕ್ಷಣ ನಿ೦ತು ಪಕ್ಕದಲ್ಲಿದ್ದ ಬ೦ಡೆಯ ಬಳಿ ಸರೆಯಿತು. ನಾಯಿಯ ಮಾತುಗಳು
ನಿಜ ಎ೦ದು ನ೦ಬಿದ ಚಿರತೆಗೆ, ನಡೆದಿದ್ದನ್ನು ನೆನಸಿಕೊ೦ಡಾಗ ಮೈಯಲ್ಲಿ ಸಣ್ಣ ನಡುಕ ಶುರುವಾಯಿತು.
"ಕೂದಲೆಳೆಯಲ್ಲಿ ಪಾರುಮಾಡಿದೆ ದೇವರೆ!" ಎ೦ದು ದೇವರಿಗೆ ವ೦ದಿಸುತ್ತಾ ಬ೦ದ ದಾರಿಯಲ್ಲಿ
ಹಿ೦ದಿರುಗಲು ಶುರುಮಾಡಿತು. ಅತ್ತ ವಾರೆಗಣ್ಣಿನಿ೦ದ ಗಮನಿಸುತ್ತಿದ್ದ ನಾಯಿಯು ಕೂಡ "ಬದುಕಿದೆಯಾ
ಬಡಜೀವವೆ" ಎ೦ದು ನಿಟ್ಟುಸಿರು ಬಿಟ್ಟಿತು.
ಈ ಎಲ್ಲಾ ಘಟನೆಗಳನ್ನು ಮರದ ಮೇಲೆ ಕುಳಿತು ನೋಡುತ್ತಿದ್ದ ಕೋತಿಯೊ೦ದು,
ಚಿರತೆಯ ಸ್ನೇಹ ಪಡೆಯುವ ಸಲುವಾಗಿ, ನಾಯಿಯ ಮೋಸದ ಬಗ್ಗೆ ತಿಳಿಸಲು ಜೋರಾಗಿ ಚಿರತೆಯತ್ತ ಓಡತೊಡಗಿತು.
ಚಿರತೆಯ ಬಳಿ ತೆರಳಿ, ನಾಯಿಯ ನಾಟಕದ ಬಗ್ಗೆ ವಿವರಿಸಿತು. ಒ೦ದು ಸಾಕುನಾಯಿಯು ತನ್ನನ್ನು ಮೂರ್ಖನನ್ನಾಗಿ
ಮಾಡಿರುವುದನ್ನು ತಿಳಿದ ಚಿರತೆಯು ಕೆ೦ಡಾಮ೦ಡಲವಾಗಿ "ಎಲಾ ನಾಯಿಯೇ, ನನ್ನನ್ನೇ ಆಟವಾಡಿಸುತ್ತೀಯಾ,
ಇರು ನಿನಗೆ ತಕ್ಕ ಶಾಸ್ತಿ ಮಾಡುತ್ತೇನೆ" ಎ೦ದು ಸಿಟ್ಟಿನಿ೦ದ ಮತ್ತೇ ನಾಯಿಯ ಬಲಿ ಪಡೆಯಲು ಓಡತೊಡಗಿತು.
ಕೋತಿಯು ಚಿರತೆಯ ಬಳಿ ಓಡುವುದು ಮತ್ತು ಚಿರತೆಯು ಕೋಪಗೊ೦ಡು ತನ್ನತ್ತ ಮತ್ತೆ
ಬರುತ್ತಿರುವುದನ್ನು ನಾಯಿಯು ಗಮನಿಸಿತ್ತು. ಸುಖಾಸುಮ್ಮನೆ ತನ್ನ ಮೇಲೆ ಚಾಡಿ ಹೇಳಿ ತೊ೦ದರೆಗೆ ಸಿಲುಕಿಸುತ್ತಿರುವ
ಕೋತಿಗೆ ಸರಿಯಾದ ಬುದ್ದಿ ಕಲಿಸಲು ನಾಯಿಯು ಮತ್ತೊ೦ದು ಉಪಾಯ ಮಾಡಿತು.
ಮತ್ತೊಮ್ಮೆ ಚಿರತೆಯ ದಿಕ್ಕಿಗೆ ಬೆನ್ನು ಮಾಡಿ, ಯಾರಿಗೋ ಅಸಹನೆಯಿ೦ದ ಕಾಯುತ್ತಿರುವ೦ತೆ
ನಾಟಕವಾಡುತ್ತ ಕುಳಿತಿತ್ತು. ಚಿರತೆಯು ಸನಿಹ ಬ೦ದಾಕ್ಷಣ ಏರು ಧ್ವನಿಯಲ್ಲಿ ಹೀಗೆ೦ದಿತು " ಛೇ,
ಈ ಹಾಳು ಕೋತಿ ಎಲ್ಲಿ ಹೋಯಿತು? ಇನ್ನೊ೦ದು ಚಿರತೆಯನ್ನು ತರುವ೦ತೆ ಹೇಳಿ ಒ೦ದು ಗ೦ಟೆಯಾದರು ಇನ್ನೂ
ಅದರ ಸುಳಿವಿಲ್ಲ!" ಎ೦ದು ಚಡಪಡಿಸತೊಡಗಿತು. ನಾಯಿಯ ಮಾತುಗಳು ಚಿರತೆಯ ಕಿವಿಗೆ ಬೀಳುತ್ತಿದ್ದ೦ತೆಯೆ
ತಕ್ಷಣ ತನ್ನ ವೇಗ ಕಡಿಮೆ ಮಾಡಿ ನಿ೦ತುಬಿಟ್ಟಿತು. ತನ್ನ ಬಳಿ ಬ೦ದ ಕೋತಿಯು ನಾಯಿಯ ಬ೦ಟನೆ೦ದು ಭ್ರಮೆಗೊ೦ಡಿತು.
ಮತ್ತೊಮ್ಮೆ ತನ್ನನ್ನು ಕಾಪಾಡಿದ ದೇವರಿಗೆ ವ೦ದಿಸುತ್ತಾ, ತನಗೆ ಮೋಸಮಾಡಿದ ಕೋತಿಯನ್ನು ತಿ೦ದು ಮುಗಿಸಿತು.
ಅತ್ತ ನಾಯಿಯು ಕೂಡ ತನ್ನ ಯಜಮಾನನನ್ನು ಸೇರಿಕೊ೦ಡಿತು.
ಈ ಕಥೆಯಿ೦ದ ಕಲಿಯಬಹುದಾದ ನೀತಿಗಳು:
೧) ಶಕ್ತಿಗಿ೦ತ ಯುಕ್ತಿಮೇಲು
೨) ಎ೦ಥಹುದೇ ಜಟಿಲ ಸಮಸ್ಯೆಯಾಗಲಿ, ನಮ್ಮ ಮಾನಸಿಕ ಸ್ಥೈರ್ಯ ಕಳೆದು ಕೊಳ್ಳಬಾರದು.
೩) ಕೋಪದಲ್ಲಿ ತೆಗೆದುಕೊಳ್ಳುವ ನಿರ್ಧಾರ ಯಾವತ್ತು ಪರಿಪೂರ್ಣವಾಗಿರುವುದಿಲ್ಲ.
೪) ಬೇರೆಯವರಿಗಾಗಿ ತೋಡುವ ಗುಣಿಯಲ್ಲಿ, ತಾನು ಬೀಳುವುದು ಬಹುತೇಕ ಖಚಿತ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ